ما يهمنيش الرقم صحيح و لا لأ
و سامحونى العيب مش من الدراسة عشان الناس مش بتشارك العيب من المنتدى محدش منه شارك انما الجروب كان فى كتيير جدا و فعال
و بتهيألى أرقام المشاهدات دليل إن كان فى متابعة
مش لازم إن الناس تقول رأيها إنما المهم إن الناس تستفاد
آراء أغلب الناس اللى اشتغلوا معانا فى الدراسة الأولى إن كده حلو جدا . و علشان كده أنا هاكمل بنفس الأسلوب . و يا ايفا احنا من ساعة ما بدأنا و انتى بتنتقدى الدراسة و أنا مش لاقى غيرك لحد دلوقتى اللى انتقد الدراسة دى . سامحينى بس دى الحقيقة . مظنش إن الناس دى كلها غلط علشان شغالين بالأسلوب ده .
هاي كيرو وايفا...
أنا شوية حاسس إن الموضوع فيه لهجة جديدة من الناحيتين.. نقدر نقول كل واحد منشف دماغه شوية, أو شويتين
أولا أحب أشكر كيرو على المبادرة بموضوع الدراسة.. أكيد كان مفيد لبعض الأعضاء والزوار.. وكمان أنا مع رأي ايفا إنه محتاج يتطور شوية.. زي أي فكرة جديدة لازم تكون قابلة للتطوير..
يا كيرو أنا مش حابب تاخد التعليق بتاع ايفا بصورة شخصية.. هي قصدها انه ممكن نضيف كتير للمشاركة (زي ملخص مثلا) فتكون مفيدة لناس أكتر..
وكمان يا ايفا أنا مع كيرو إنه اللي عنده أفكار للتطوير يمد ايده معانا واكيد كله ربنا هيستخدمه لمجده..
خلينا يا كيرو نبدأ دراسة رسالة رومية, ويا اعضاء المنتدى لو حد عنده مشاركة ياريت يشارك ومايبخلش علينا
ربنا يبارك كل من وضع على قلبه خدمة الرب بالقليل اللي عنده, واكيد الرب يعمل منه عمل عظيم..
هاااااااااى ياجماعة
انا متابعة ردودكوا على موضوع الدراسة بس معتقدش ابدا انها فشلت وان منحكمش عليها من زاوية المشاركات بس مافى مواضيع كتير على المنتدى مفيهاش ردود ومشاركات كتيرة هل دا يعنى انها ليست زى اهمية؟؟فى كتير من الضيوف بتقرا ولسة فى ناس بتسجل جديد وممكن تكون كتير استفادوا وهيستفادوا منها لانى لغاية دلوقت بلاقى ضيوف على دراسة اعمال الرسل ودا ميمنعش ان فكرة التطوير دى عجبتنى
وكنت باقترح اقتراح
ان اللى ينزل دراسة للاصحاح يسيب سؤال فى الاخر على الاصحاح سواء تامل لجزئية ,تفسير ايه او.....الخ زى المسابقة الكتابية وننتظر مشاركاتكم يارب اقتراحى يكون بفايدة وياريت نشوف مشاركاتكم علشان نستفاد ونطور الدراسة........صلوا من اجلى كثيرااااااااا
كيرو ايفا الموضوع شكله مطول معاكم شويه انا بقترح اننا نناقشه فى مرة على الشات والناس اللى عندها افكار تطوير تطرحها ونشوف طرق افضل تجذب القارئ وليه ما يبقاش فى مكان واحد يعنى ليه الدراسة بقيت على الفيس وعلى المنتدى ؟! مع ان الفكرة طرحتوها على المنتدى دا على اد فهمى للموضوع . يا جماعة احنا هدفنا الوحيد تكون حاجة جديده يا كيرو مختلفة عن الروتين ف الدراسة
وارجو يكون مناقشةالموضوع على شات المنتدى هو التطوير وطرح الافكار
والرب يباركم
كلام متعاش
أيه رأيكم تكون دراستنا فيها جزء تأمل عن واقع إختبار ... جزء كوبي باست من حياتنا مش من ملف على الكومبيوتر ... دراسة فيها نبني بعض فنكبر ... نتعب و ندرس و نكتب بجد من عندنا فنقدم حاجة جديدة فيها حتة مننا ... تعالوا نكون إحنا مش ملفاتنا إاللى عندنا .. تعالوا نكتب أيه و احده و كلام تفسير و تأمل حقيقي أفضل من مواضيع بكلام مش بتاعنا ... انا مش باطلب المستحيل لأن اللي بيدرس بجد الرب هايديلوا نعمة عشان يكتب من عنده لإخواته .. فنكبر و ده أهم من أي حاجة تانيه
.. نقدر نقول كل واحد منشف دماغه شوية, أو شويتين 
واكيد كله ربنا هيستخدمه لمجده..
العرض العادي
