أوهاااااااااااااام

[بنت الملك]

نحضر: بيض -كوب مياه -فشار او شيبسى او قشر فول سودانى - منديل
1- نرص البيض على الارض
2-نغمى عين الطفل بالمنديل(اشارب) ويمسك كوب المياه
3- المفروض الطفل يمشى من غير ما يدوس على البيض
قبل ما يمشى الطفل نشيل البيض بسرعة (من غير ما يحس) ونحط مكانة الفشار
الطفل هيدوس على الفشارو هيكون خايف وفاكر انة داس على البيض .
ومن هنا ممكن يكون دا مدخل تشويقى ان الشيطان بيعمل اوهام فى حياتنا زى مثلا الخوف من الضلمة او الخوف من الفشل( يفضل اللى يعمل اللعبة دى بنت علشان قلبهم ضعيف)

[Eva]

ههههههههههه
فكرة جديدة
شكرااااااا بنت الملك

بس إيه دور كوب المياه ؟؟

[Ayman M. Grais]

فكرة حلوة... ممكن كمان نضيف ليها شرح اية

اصحوا واسهروا لان ابليس خصمكم كأسد زائر يجول ملتمسا من يبتلعه هو.

إن ابليس بيوهمنا انه أسد, لكن الاسد الحقيقي هو الرب. لكن اللي يصدق ابليس (يبلعه) هيشوفه أسد

[Samuel.G]

فكرة رائعة بجد .... و للي ما يقدرش يجيب بيض ينفع يرص زجاجات حاجة ساقعة فارغو و الاولاد تعدي من وسطها

[بنت الملك]

شكرا على التشجيع ايفا وصامويل وايمن
يا ايفا دور كوب المياه ان الاولاد يمسكوها وهما بيمشوا على البيض (المفروض يحافظ علي الماية متتكبش).

[maro]

حلوة جدا يابنت الملك ربنا يباركك والاولاد لما نوضح لهم الهدف اللى عايزين نوصله بلعبة لذيذة زى ديه بيستوعبوا الفكرة بسهولة
شكرررررررررررررا بنت الملك

[keeroo atef]

فكرة جميلة جدا بنت الملك
بس أنا صعبان على البنت اللى نعمل فيها المقلب
بس اكيد الهدف هيثبت فى ذهنهم
ربنا يباركك

[ساندرا]

فكرة حلوة الرب يباركك ساعات بنصدق كلام سلبي يتقال حتي من اقرب الناس زي بابا ماما اصحابنا انت غبي - مش نافع انت فاشل ونصدق الأكاذيب دي وتكبر معانا وهي اوهام من ابليس

[ماران اثا]

ربنا يباركك بنت الملك
افكار رائعة بتوصل الهدف بسهولة

[basem]

فكره جامده جدا
ربنا يبارككك
بنت الملك وبنشكرك على تعبك وعايزين تانى