المساعد الشخصي الرقمي

مشاهدة النسخة كاملة : ..:: المسابقة الكتابية ::.. /*\ لعبة حلوة جدا /*\


+FADI+
06-18-2009, 03:23 PM
سلام المسيح معكم اخوتي



حبيت بنعمة المسيح ابتدي معاكم لعبة اسمها المسابقة الكتابية اعتقد ان معظمكم يعرفها بما انها لعبة معروفة

وقوانينها هي :-
كل شخص يدخل يرد على السؤال الي وضعه الشخص الي قبله وبعد ان يرد يكتب هو سؤال للعضو الي بعده وهكذا .......huh

طبعا الاسئلة من الكتاب المقدس حصراً
لعبة حلوة واتمنى كل الاعضاء يشاركوا فيها
thumbup
هابتدي انا بأول سؤال والشخص الي بعدي يرد عليه ويكتب سؤال للعضو الي بعده .....


من هو اول شهيد في المسيحية وما معنى اسمه ؟

:confused:

بنت الملك
06-19-2009, 02:56 PM
فكره حلوه ربنا يباركك
اعتقد اول شهيد استفانوس وهو اسم يونانى معناه تاج اواكليل من الزهور
وادى سؤال سهل
السؤال: من كان أكبر الناس عمراً في تاريخ البشرية ؟ وكم عمره؟

Eva
06-19-2009, 06:20 PM
فكرة رائعة يا فادى

الاجابة يا بنت الملك
متوشالح وعاش 969 سنة

السؤال بقى للعضو اللى بعدى:rolleyes:
من هو أول رئيس كهنة؟؟؟

Basma.Grais
06-20-2009, 12:29 AM
حلوه اللعبة دي يا فادي ... انا أول مرة ألعبها

متهيألي يا إيفا هارون ... بس هاعرف منين صح ولا غلط؟؟؟؟unsure

والسؤال بئى للي بعدي بيقول: مين هو صاحب أطول اسم في الكتاب المقدس؟ ومين باباه؟

Eva
06-20-2009, 10:26 AM
هو انا مش عارفة كل قواعد اللعبة بس اعتقد يا بسمة اللى يجاوب غلط المفروض اللى كتب السؤال يقوله غلط

بس على العموم انت اجابتك صحthumbup

بالنسبة لسؤالك فالاجابة
مهير شلال حاش بز
وهو ابن اشعياء النبى

سؤالى للعضو اللى بعدى
من الذى قتل ربع سكان العالم؟؟؟؟:confused:

basem
06-22-2009, 02:53 AM
الاجابه /قايين
والسوال :-اذكر خمسه من مشاهير الكتاب جاءوا الى مصر؟tongue_smilie

Basma.Grais
06-22-2009, 11:12 AM
أنا أجاوب يا باسم وبالشواهد كمان :p

إبراهيم وسارة تك 12: 10

يوسف تك 39: 1

يعقوب تك 46 : 6 وطبعا إخوات يوسف كلهم

العائلة المقدسة : ( يوسف النجار والعذراء مريم والرب يسوع)
مت 2: 13

وسؤالي سهل جدا وبيقول : أين ذكر الدب في الكتاب المقدس؟؟؟

بنت الملك
06-22-2009, 02:05 PM
الاجابه ذكر الدب فى الكتاب المقدس فى صموئيل الاول 24:17(لما طلع الدب لداوود النبى)
سؤال: إنسان حلم حلماً، كان في تفسيره موته. من هو؟
سههههههههههههههههل

mickey2010
06-22-2009, 05:44 PM
هو خباز فرعون ملك مصر

سؤال : من تزوج ابوه عمته و ما اسم ابوه و اسم امه(تزوج ابوه عمة ابوه) ؟

+FADI+
06-23-2009, 01:03 AM
الرب يبارككم اخوتي واخواتي على المشاركات والاسئلة الرائعة والمفيدة
بالنسبة لسؤال الاخ مايكي اخي الرب يباركك بس السؤال مش واضح (من تزوج ابوه عمته) ؟؟؟ اتمنى التوضيح والرب يباركك

Sylvy
06-23-2009, 03:22 PM
هاي أنا سيلفيا أنا أول مرة أدخل للمنتدى وعجباني أوي فكرة المسابقة دي... المهم ...اجابة السؤال: موسى أبوه عمرام أتخذ يوكابد "عمته" زوجة له!
السؤال: مين اتقطعت أباهم ايديه ورجله.... زي ما عمل في سبعون ملك؟؟؟

Basma.Grais
06-23-2009, 03:59 PM
الاجابة يا سيلفيا هي : الملك أدوني بازق (قض 1 : 6-7 )

وسؤالي بيقول : مين اللي قال العبارة دي : ماكتبت قد كتبت ؟؟

أظن أن السؤال سهل thumbup

basem
06-23-2009, 08:02 PM
اللى قال العباره دى هو بيلاطس
س:-من انا؟
انا نبيه عاصرت يوشيا؟

Eva
06-24-2009, 12:24 AM
اهلا بيكى يا سيلفيا
مبسوطين انك بتشاركى معاناthumbup
وشكرا لكل اللى بيشاركوا معاناthumbup

الاجابة يا باسم
خلدة النبية

السؤال للعضو اللى بعدى
من أول ملوك المملكة الشمالية ؟؟؟؟؟؟؟

Basma.Grais
06-24-2009, 10:56 AM
الملك يربعام بن ناباط

وسؤالي بيقول : مين أول واحد بنى مذبح في الكتاب المقدس؟؟ وياريت الشاهد;)

Sylvy
06-24-2009, 01:26 PM
شكرا يا ايفا.. أنا كمان مبسوطة اني بشارك معاكم
الاجابة:نوح (تكوين 22:8)
السؤال: من هو أول من ذكر الكتاب المقدس عنه انه حلق؟ مع ذكر الشاهد

remon_ka
06-24-2009, 08:06 PM
أعتقد أنه أبشالوم (صموئيل الأول 14 : 26)

وكان شعره يوزن 200 شاقل وكان بيحلق كل سنة

والسؤال بتاعي هو
كم يبلغ عدد إصحاحات الكتاب المقدس ؟

basem
06-24-2009, 08:44 PM
الاجابه:-
عدد اصحاحات الكتاب المقدس 1189 اصحاحا
اذكر المراه الوحيده التى ذكر سنها فى الكتاب المقدس؟

Sylvy
06-24-2009, 09:26 PM
أنا عايزة اصحح اجابة ريمون الاجابة الصحيحة هي "يوسف" لما دعاه فرعون "اسرعوا به من السجن. فحلق وأبدل ثيابه ودخل الي فرعون" (تكوين 14:41)
اجابة السؤال السابق: سارة وعاشت 127 سنة (تكوين 1:23)
السؤال الجديد: من هم أبناء موسى؟

Samuel.G
06-25-2009, 12:15 AM
مايكي انا اعتقد انه موسى ... و با حاول اجيب مرجع ( لو غلط صحح لي )

سؤال اللي بعدي : اين ذكر في الكتاب المقدس نبيان( لم يعاصرا بعضهما زمنيا ) معا في اية واحدة ؟

Eva
06-25-2009, 12:32 AM
اهلا صمويل
أولا سؤال مايكى جاوبته سيلفيا قبلك وقالت موسى برضه
ثانيا انت ما جاوبتش سؤال العضو اللى قبلك
ممكن تراجع فكرة اللعبة لو سمحت

Sally Anis
06-25-2009, 01:37 AM
ازيكم يا شباب.......المسابقة دي عجبانى اوىthumbup
الأجابة يا سيلفيا : أليعازر و جرشوم (خر 3,4:18)
ما أظنش انه كان عند موسى أولاد تاني......صح؟؟؟huh
السؤال التالي:
من في الكتاب المقدس كان اسمه يسوع.... غير الرب له كل المجد؟؟؟؟؟؟

Bassem Magdy
06-25-2009, 02:04 AM
أهلا بيكم أنا أول مرة أشارك معاكو وجيت على سؤال مش مشهورunsure بس أنا عارف الإجابة يا ساليtongue_smilie
الإجابة هي: يسوع المدعو يسطس (كولوسي 4 : 11)
والسؤال الجديد هو:
هات خمسة أسماء لشخصيات في الكتاب المقدس تقرأهم من اليمين كما تقرأهم من اليسار

Basma.Grais
06-25-2009, 01:32 PM
انا شايفه ان بتوع حلوان بيردوا على بعض ... برافو يا شباب thumbup :p

الاجابة يا باسم : نون - يسى - آسا- ناثان - إيليا

وسؤالي بيقول : اثنين قيل لهم : اخلع نعليك لأن الأرض مقدسة.... مين هما ؟بالشاهد

Eva
06-25-2009, 05:20 PM
فى الاول بارحب بكل الاخوة والاخوات اللى من حلوان
ويارب نشوف مشاركاتكم دايما

بس عندى تعليق على اجابتك يا بسمة
ايليا مش بيتقرى من اليمين زى الشمال "ليليا"
انا الصراحة ماعرفش الاسم الخامس بس اكيد مش هايكون ايليا

هاجاوب سؤالك
موسى (خر 3 : 5 )
يشوع (يش 5 : 15 )

سؤالى للعضو اللى بعدى
من النبى الذى كانت مهنته جنى الجميز؟؟؟؟

Sally Anis
06-25-2009, 09:08 PM
هاى يا ايفا....اجابة سؤالك هو عاموس (عاموس 14:7)
بس أنا كان عندي رأي في اجابة بسمة...أنا شايفه انه ايليا صح لأنة ترتيب الحروف واحد من اليمين للشمال زي من الشمال لليمين.
سؤال:من في الكتاب المقدس حرست جثث ابنائها حتى لا تأكلها الطيور و الحيوانات؟

Eva
06-25-2009, 10:45 PM
فعلا يا سالى
هى صح
انا مركزتش كويس
سوررررررررررىunsure

Sylvy
06-25-2009, 11:31 PM
الاجابة: رصفة (2 صم 21 : 10)
السؤال التالي: ما هما المزموران اللذان يتشابهان بدرجة كبيرة؟

Ayman Grais
06-26-2009, 06:32 AM
Basma, Bassim Sally, Sylvia.. kefaya ba2a.. edoo forsa le3'erkommmm :D

Sally Anis
06-27-2009, 09:48 PM
El fekra enena mesh 2asdeen negaweb 3ala ba3d ya Aman..... bas howa mafeesh 7ad nawy yegaweb 3ala so2al Basma???blink???

Sylvy
06-28-2009, 01:57 PM
يا شباب محدش عارف المزمورين ولا ايه؟؟؟؟؟ يلا حد يجاوب عشان نكمل!!!!

Basma.Grais
06-28-2009, 02:18 PM
معلش بئى يا أيمن ... أنا هاجاوب ... عديها المرة دي :p

الإجابة يا سيلفيا هيا : مز 14 - مز 53

وسؤالي بيقول :أذكر خمس شخصيات من الكتاب المقدس خدوا لقب جبار بأس ... بالشواهد

Eva
06-28-2009, 03:07 PM
يربعام (1مل 11 : 28)
جدعون (قض 6 : 12)
بوعز (را 2 : 1)
نعمان (2مل 5 : 1)
يفتاح (قض 11 : 1)

سؤالى:)
كم عدد معجزات الرب يسوع التى ذكرت فى الاناجيل الاربعة؟
من غير ما نحسب المتكرر طبعاhuh
ولو بسمة اللى هاتجاوب يبقى بالشواهدtongue_smilie

مين هيجاوب؟؟؟؟؟؟؟؟؟؟؟؟؟؟؟؟؟

Basma.Grais
06-28-2009, 04:59 PM
لا يا ايفا مش انا اللي هاجاوب ... هاعمل بنصيحة أيمن وهاسيب فرصة للناس تجاوب tongue_smilie

بنت الملك
06-29-2009, 04:28 PM
عدد معجزات السيد المسيح30 معجزه
وسؤالى هو
أول من تزوج امراتين ؟؟؟؟واسمهم ايه؟؟؟؟؟؟؟؟؟؟؟؟
سهههههههههههههههههههههههههههههل

Eva
06-29-2009, 06:47 PM
معلش يا بنت الملك بس هما 34 معجزة
وفى ناس بتعتبر لعن شجرة التين المعجزة ال35

انا عارفة ان فى معجزات متشابهة جدا (بس ماتعتبرش متكررة)
شكرا لمجهودك وردكthumbup
wubwubwub

اجابة سؤالك
لامك
واسم امرأتيه
عادة وصِلَّة

سؤالى
عالت الغربان ايليا عند نهر ...............
سهههههههههههههههههههههههههههل جدا

Sylvy
06-30-2009, 12:00 PM
الاجابة: نهر كريث (ملوك الأول 17 : 3)
السؤال الجديد: أين ذكر الأهرام في الكتاب المقدس؟ (مع ذكر الشاهد)

Ayman Grais
07-01-2009, 07:29 AM
ذا انسار:
الاصحاح الثالث من سفر أيوب:
11 لم لم امت من الرحم.عندما خرجت من البطن لم لم اسلم الروح. 12 لماذا اعانتني الركب ولم الثدي حتى ارضع. 13 لاني قد كنت الآن مضطجعا ساكنا.حينئذ كنت نمت مستريحا14 مع ملوك ومشيري الارض الذين بنوا اهراما لانفسهم

نيكست كويستشان:
مين اللي الرب استخدمه يقوم ميت وهو نفسه كان ميت؟

السؤال ده مش لسكان محافظة حلوانtongue_smilie... والشاهد كمان مش اجبارى laugh...

Sylvy
07-01-2009, 12:02 PM
أيمن دا يور لاست انذار سيب حلوان في حالهم... وبعدين كده كده مش هانجاوب على سؤالك!!!!!!!

بنت الملك
07-01-2009, 04:29 PM
الاجابه ::::::::: اعتقد اليشع
سؤالى هو
من هو الذي قال عنه إنه أعظم من نبي ؟
سهل

+FADI+
07-03-2009, 01:20 PM
" لاني اقول لكم انه بين المولودين من النساء ليس نبي اعظم من يوحنا المعمدان.ولكن الاصغر في ملكوت الله اعظم منه ". (لوقا 7 : 28)



من القائل :لا تفرح بسقوط عدوّك ولا يبتهج قلبك اذا عثر ؟


سؤال بسيط جدا جدا جداااااااااااا

Basma.Grais
07-04-2009, 12:02 PM
سليمان الحكيم في أمثال 24 :17

وسؤالي بيقول : اذكر 2 قصة كتابية ذكر فيها الدقيق

Eva
07-04-2009, 05:53 PM
القصة الاولى

فى قصة الارملة التى اعالت ايليا اثناء المجاعة

12فَقَالَتْ: «حَيٌّ هُوَ الرَّبُّ إِلهُكَ، إِنَّهُ لَيْسَتْ عِنْدِي كَعْكَةٌ، وَلكِنْ مِلْءُ كَفّ مِنَ الدَّقِيقِ فِي الْكُوَّارِ، وَقَلِيلٌ مِنَ الزَّيْتِ فِي الْكُوزِ، وَهأَنَذَا أَقُشُّ عُودَيْنِ لآتِيَ وَأَعْمَلَهُ لِي وَلابْنِي لِنَأْكُلَهُ ثُمَّ نَمُوتُ».

القصة الثانية

فى احدى معجزات اليشع عندما وضع الدقيق على الطعام المسموم

41فَقَالَ: «هَاتُوا دَقِيقًا». فَأَلْقَاهُ فِي الْقِدْرِ وَقَالَ: «صُبَّ لِلْقَوْمِ فَيَأْكُلُوا». فَكَأَنَّهُ لَمْ يَكُنْ شَيْءٌ رَدِيءٌ فِي الْقِدْرِ.


سؤالى
اذكر اربعة نساء وصفهم الكتاب المقدس بـ "نبية"

mickey2010
07-08-2009, 05:01 PM
مريم النبية اخت هرون(خر 15 : 20)
دبورة (قض 4 : 4)
خلدة النبية (2مل 22 : 14)
نوعدية النبية(نح 6 : 14)
حنة بنت فنوئيل (لو 2 : 36)
ما هو اسم تلميذ من تلميذى عمواس و اين ذكر؟.

Eva
07-08-2009, 10:47 PM
اجابة سؤالك
كليوباس (لو 24 : 18)

سؤالى
مجموعة من البرص حملوا خبراً سعيداً لمدينة
كم عددهم؟
واسم المدينة ايه؟
وما هو الخبر السعيد؟
:):):):)

Basma.Grais
07-09-2009, 10:24 AM
كان عددهم 4 رجال ( 2مل 7: 3 ) واسم المدينة السامرة والخبر كان انه جيش أرام هربوا وسابوا خيامهم مليانه خير ثياب ودهب وخيل... ودي كانت تطبيق لنبوة أليشع بالفرج.

وسؤالي بيقول : اذكر 3 شخصيات كان عقابهم الضرب بالبرص ؟؟؟

mickey2010
07-09-2009, 10:43 AM
مريم اخت موسى (عد 12 : 10)
جيحزى (2مل 5 : 27)
عزريا بن امصيا ملك يهوذا (2مل 15 : 5)
عزيا الملك (2اخبار 26 : 19)

ما هو السفر الذى لم يذكر فيه اسم الله ؟

Basma.Grais
07-09-2009, 11:10 AM
برافووووو يا مايكل thumbup

وعلى فكره عزيا الملك هو هو عزريا بن امصيا... أنا مكنتش اعرف ان عزيا له اسمين فحبيت اشارككم بالمعلومة :)

Eva
07-09-2009, 11:51 AM
سفر استير

و سؤالى
من هو كاتب سفر اعمال الرسل؟؟

mickey2010
07-09-2009, 12:36 PM
لوقا

ما هو أول وعد من الله للبشر؟

Sally Anis
07-09-2009, 02:39 PM
Ezayokom ya shabab....bas eh elnashat da ya Micheal:)
2a3taked awel wa3d kan l Nou7...أقيم ميثاقي معكم فلا ينقرض كل ذى جسد أيضا بمياة الطوفان (تك 11:9)
السؤال التااااااااااااااااااااااااااالي:
من قتل 600 رجل لوحده؟؟؟؟؟؟؟
سهل مش كدة؟؟huuh

Basma.Grais
07-09-2009, 02:52 PM
مش سهل أوي يعني يا سالي unsure

الإجابة : شمجر بن عناة ( قض 3 : 31)

والسؤال السهل جدااااا بيقول : 2 اتولدوا ومامتوش ... هما مين ؟

Eva
07-09-2009, 03:18 PM
:)welcome back sally

الاجابة
أخنوخ وإيليا

السؤال الجديد
امرأة وصفها الكتاب بأنها جيدة الفهم وجميلة الصورة

بس انا كان عندى استفسار صغيرconfused1
هو مايكل برضه تبع حلوان؟؟؟؟blink

Sylvy
07-09-2009, 10:36 PM
الاجابة: أبيجايل (1 صم 25 : 3)

السؤال التالي: من هو الملك الذي ملك على يهوذا فترة وكان آخاب حماه؟ (صعب شوية blink????)

mickey2010
07-10-2009, 12:39 AM
merci ya sally ltashgi3ek bas hwa awl wa3d kan
أول وعد من الله للبشر كان ان نسل المرأة يسحق رأس الحية {تك15:3}.

Eva
07-10-2009, 12:42 AM
فِي السَّنَةِ الثَّانِيَةَ عَشَرَةَ لِيُورَامَ بْنِ أَخْآبَ مَلِكِ إِسْرَائِيلَ، مَلَكَ أَخَزْيَا بْنُ يَهُورَامَ مَلِكِ يَهُوذَا. 26وَكَانَ أَخَزْيَا ابْنَ اثْنَتَيْنِ وَعِشْرِينَ سَنَةً حِينَ مَلَكَ، وَمَلَكَ سَنَةً وَاحِدَةً فِي أُورُشَلِيمَ، وَاسْمُ أُمِّهِ عَثَلْيَا بِنْتُ عُمْرِي مَلِكِ إِسْرَائِيلَ. 27وَسَارَ فِي طَرِيقِ بَيْتِ أَخْآبَ، وَعَمِلَ الشَّرَّ فِي عَيْنَيِ الرَّبِّ كَبَيْتِ أَخْآبَ، لأَنَّهُ كَانَ صِهْرَ بَيْتِ أَخْآبَ
( 2مل 8 )

سؤالى
اصغر ملوك يهوذا
من هو؟
وكم كان عمره حين ملك؟

+FADI+
07-13-2009, 12:40 AM
على ما اظن :::::



كان يوآش ابن سبع سنين حين ملك وملك اربعين سنة في اورشليم واسم امه ضبية من بئر سبع.
(2 اخبار الايام 24 : 1)


اتمنى تكون اجابتي صحيحة


وسؤالى هو :.:.:.:.:.:.:.:.:.:.:.:.:.:.:.

من تذمر على الأكل فلدغته الحيات (الأفاعي) ؟!؟!؟!؟!؟!؟!؟!؟!؟!؟!؟!؟

basem
07-13-2009, 11:02 AM
شعب اسرائيل لما كانوا فى البريه
وسوالى هو :
من هى ؟
[color=red]اتت من بلاد بعيده
معاها هدايا عديده
[color=red]تسمع حكمه مفيده
رجعت وهى سعيده

Basma.Grais
07-13-2009, 01:28 PM
الاجابة يا باسم هيا : ملكة سبأ ( 2أخ9 : 1- 12 )


وسؤالي بيقول :

فين اتذكرت القرود في الكتاب المقدس ؟؟؟blink

mickey2010
07-13-2009, 04:13 PM
الملوك الأول:

لانه كان للملك في البحر سفن ترشيش مع سفن حيرام فكانت سفن ترشيش تاتي مرة في كل ثلاث سنوات اتت سفن ترشيش حاملة ذهبا و فضة و عاجا و قرودا و طواويس (1مل 10 : 22)

السؤال هو :
من هو أول شخص ذكر الكتاب أنه سبى؟

Eva
07-14-2009, 02:16 PM
فَلَمَّا سَمِعَ أَبْرَامُ، أَنَّ أَخَاهُ سُبِيَ جَرَّ غِلْمَانَهُ الْمُتَمَرِّنِينَ، وِلْدَانَ بَيْتِهِ، ثَلاَثَ مِئَةٍ وَثَمَانِيَةَ عَشَرَ، وَتَبِعَهُمْ إِلَى دَانَ.
(تك 14 :14 )

سؤالى بقى سهل جدا
من هو أول القضاة؟؟؟؟؟

Basma.Grais
07-15-2009, 12:38 PM
على ما أعتقد يا إيفا انه موسى (خر 18: 13-27) صح؟؟؟

وسؤالي بيقول : اذكر 5 سيدات في الكتاب المقدس كن عاقرات ... مع ذكر الشاهد

Sylvy
07-15-2009, 02:42 PM
ياشباب أنا عندي تعليق على إجابة سؤالي اللي هو: من مللك فترة على يهوذا وكان اخآب حماه؟؟؟؟ وايفا ردت انه أخزيا بناء على نص كتابي ان أخزيا كان صهر بيت أخاب ... لكن أنا عندي نص كتابي تاني بيقول ان يهورام ابن يهوشافاط اتخذ ابنة أخاب زوجة ليه يعني أخاب حماه لكن النص اللي أضافته ايفا بيوضح ان أخزيا (اللي هو ابن يهورام) كان صهر بيت أخاب huuh فهل أخزيا برضه أخذ بنت من بنات أخاب؟؟؟؟؟؟أنا حاولت أبحث لكن مش عارفة blink فلو في حد عنده معلومة يقدر يشاركنا بيها يكون كويس....
والنص بتاعي هو " 16 وفي السنة الخامسة ليورام بن اخآب ملك اسرائيل ويهوشافاط ملك يهوذا ملك يهورام بن يهوشافاط ملك يهوذا. 17 كان ابن اثنتين وثلاثين سنة حين ملك وملك ثماني سنين في اورشليم. 18 وسار في طريق ملوك اسرائيل كما فعل بيت اخآب لان بنت اخآب كانت له امرأة.وعمل الشر في عيني الرب." ملوك الثاني 8 : 16-18

Eva
07-15-2009, 05:17 PM
على ما أعتقد يا إيفا انه موسى (خر 18: 13-27) صح؟؟؟



للأسف يا بسمة مش موسى
الشاهد اللى انتى جايباه بيقول فعلا ان موسى كان بيقضى للشعب لكن ده من خلال منصبه كقائد للشعب فى الوقت ده
لكن أول قاضى هو عثننئيل بن قناز (قض 3)
(باتفاق المفسرين):)

Eva
07-21-2009, 09:04 PM
وسؤالي بيقول : اذكر 5 سيدات في الكتاب المقدس كن عاقرات ... مع ذكر الشاهد


سارة ( تك 11 : 30 )
رفقة ( تك 25 : 21 )
راحيل ( تك 29 : 31 )
امرأة منوح ( قض 13 : 2 )
حنة ( 1صم 2 : 5 )
اليصابات ( لو 1 : 7 )

سؤاااااااااااااااااااااااااااااااااااااااالى
تمسك بكرمه فكان ذلك سبب موته
من هو ؟؟؟

maro
07-29-2009, 02:23 AM
نابوت اليزرعيلى هو من تمسك بكرمه حتى قتلته ايزابيل
أما سؤالى
من هو الشخص الذى قَطعت أباهم يديه ورجليه مثلما فعل هو ذلك

Eva
08-08-2009, 07:38 PM
انا هاقول الاجابة مع ان السؤال متكرر

الملك أدوني بازق (قض 1 : 6-7 )

وسؤالى سهل جدا وبيقوووووووووول
اذكر اسماء زوجات ابراهيم

مين هايجاووووووووب؟؟؟؟؟

Sally Anis
08-09-2009, 01:42 PM
ezayokom ya shabab.....ba2aly zaman ma7aletsh m3akowub
egabet elso2al: Sara.....Hagar...Katoora
mesh keda ya Eva????
so2aly ba2a...eh as3'ar aya fel Ketab???
aya ya shabab belshahed....mesh goz2 men aya:)

Eva
08-09-2009, 02:01 PM
وحشتينا يا سالى wub

برافو عليكى طبعا اجابتك صح

واجابة سؤالك هى

بكى يسوع (يو 11 : 35)

وسؤالى بقى بيقول
ما هى أطول آية فى الكتاب المقدس وطبعا بالشاهد؟؟؟؟

ها مين شاطر وهايحل؟؟؟؟؟

Basma.Grais
08-09-2009, 02:44 PM
الإجابة يا إيفا هيا : استير 8 :9

9 فَدُعِيَ كُتَّابُ الْمَلِكِ فِي ذلِكَ الْوَقْتِ فِي الشَّهْرِ الثَّالِثِ، أَيْ شَهْرِ سِيوَانَ، فِي الثَّالِثِ وَالْعِشْرِينَ مِنْهُ، وَكُتِبَ حَسَبَ كُلِّ مَا أَمَرَ بِهِ مُرْدَخَايُ إِلَى الْيَهُودِ وَإِلَى الْمَرَازِبَةِ وَالْوُلاَةِ وَرُؤَسَاءِ الْبُلْدَانِ الَّتِي مِنَ الْهِنْدِ إِلَى كُوشَ، مِئَةٍ وَسَبْعٍ وَعِشْرِينَ كُورَةً، إِلَى كُلِّ كُورَةٍ بِكِتَابَتِهَا وَكُلِّ شَعْبٍ بِلِسَانِهِ، وَإِلَى الْيَهُودِ بِكِتَابَتِهِمْ وَلِسَانِهِمْ.

مأظنش فيه أطول من كده ... صح؟؟

وسؤالي بيقول سهل جداااااااا وبيقول : ما هو أقصر اصحاح في الكتاب المقدس؟؟؟

Eva
08-09-2009, 02:52 PM
برافو عليكى يا بسمةthumbup
ايه الشطارة ديه

اجابة سؤالك
اعتقد مفيش اصغر من مزمور 117

سؤالى بقى
ما هو أصغر أسفار الكتاب المقدس؟؟؟

مين هايجاوب؟؟؟؟

Sally Anis
08-10-2009, 01:09 AM
ento kaman wa7ashtoony:)
so2aly kan eh as3'ar aya fel ketab wel2egaba heya
لا تزن(خر 14:20)

mickey2010
08-13-2009, 11:53 AM
اصغر سفر هو رسالة يوحنا الرسول الثانية

سؤالى هو: من هي أول إمرأة لعنت؟ وما كان نوع لعنتها؟

Eva
08-13-2009, 02:14 PM
أعتقد يا مايكل انت تقصد حواء

16وَقَالَ لِلْمَرْأَةِ: «تَكْثِيرًا أُكَثِّرُ أَتْعَابَ حَبَلِكِ، بِالْوَجَعِ تَلِدِينَ أَوْلاَدًا. وَإِلَى رَجُلِكِ يَكُونُ اشْتِيَاقُكِ وَهُوَ يَسُودُ عَلَيْكِ».
(تك 3: 16 )
صح؟؟؟؟unsure

سؤالى هو
من هو الشخص الذى ذكر عنه الكتاب انه حنطه الاطباء بعد موته؟؟؟ بالشاهد

mickey2010
08-13-2009, 02:49 PM
la2 ya eva hia awl emr2a lo3nat hia merat loot lama et7awlt l3amod male7
egabtek enti hwa youssef
ثم مات يوسف وهو ابن مئة وعشر سنين.فحنطوه ووضع في تابوت في مصر
so2ali hwa :
من هو أول شخص قيل في الكتاب إنه كان كاهناً؟

Basma.Grais
08-13-2009, 03:36 PM
و يعقوب برضه حنطوه بناء على اوامر يوسف ( تك 50 : 1-2 )

اجابتك يا مايكل هيا : ملكي صادق ( تك 14 : 18 )

وسؤالي سهل خالص وبيقول مين هيا اول جارية اتذكرت في الكتاب المقدس؟؟

nancy
08-13-2009, 04:36 PM
اول جاريه هى هاجر مش عارفه صح ولا غلط
سؤالى :من هو أطول رجل فى كل الكتاب المقدس ؟؟:confused:

Eva
08-13-2009, 05:12 PM
معلش يا مايكل
هو فين اتذكر انا إمرأة لوط اتلعنت, هو مكتوب بس انها اتحولت لعمود ملح

26وَنَظَرَتِ امْرَأَتُهُ مِنْ وَرَائِهِ فَصَارَتْ عَمُودَ مِلْحٍ.

ولا فى شاهد تانى بيقول انها اتلعنت؟؟؟؟؟؟؟؟

اجابة سؤالك يا نانسى
جلياااااااات

سؤااااالى
ما اسم امرأة احشويرش؟؟؟؟

mickey2010
08-14-2009, 12:37 AM
اسمها الملكة وشتى

سؤالى هو : من هو نمرود؟ وماذا كان عمله؟

mickey2010
08-14-2009, 12:41 AM
معلش يا مايكل
هو فين اتذكر انا إمرأة لوط اتلعنت, هو مكتوب بس انها اتحولت لعمود ملح

26وَنَظَرَتِ امْرَأَتُهُ مِنْ وَرَائِهِ فَصَارَتْ عَمُودَ مِلْحٍ.

ولا فى شاهد تانى بيقول انها اتلعنت؟؟؟؟؟؟؟؟

اجابة سؤالك يا نانسى
جلياااااااات

سؤااااالى
ما اسم امرأة احشويرش؟؟؟؟



hwa el3kab dah yo3tbar la3na l2anha 3amlt 7'atia mo7'alfa lkalam Allah

nancy
08-14-2009, 04:56 PM
أسفه هى الأجابه مش صحيحه اوى لأن أطول رجل فى كل الكتاب هو عوج ملك باشان (تثنيه 11:3 )laugh

Ayman Grais
08-14-2009, 09:27 PM
شباب هي المسابقة اتلخبطت شوية ليه thumbdown.. في كذا سؤال مش متجاوب عليه... نقول تاني thumbup: كل واحد يجاوب على سؤال اللي قبله ويحط سؤال جديد.. مفهوم laugh؟

Basma.Grais
08-14-2009, 10:26 PM
blinkبعد الفحص والتمحيص وصلت ان اخر سؤال كان بتاع مايكل:)

والاجابة هي : نمرود كان من بني حام ابن نوح وكان باباه اسمه كوش وكان جبار صيد

وسؤالي بيقول: مين اللي كانت جوازته سبب مرارة لباباه ومامته؟؟؟

عايزين نظاااااااااااااام!!!! يعني اللي عايز يجاوب يرفع صباعهtongue_smilielaugh

Eva
08-14-2009, 11:10 PM
حاضر حاضر حاضر
هانكون منظميييييييين

ممكن اجاوب يا طنط بسمة

http://images.faithclipart.com/images/3/1226342581443_89/img_1226342581443_891.jpg

الاجابة عيسو


وسؤالى هو
ما هو الاسم الثانى لعيسو؟؟؟؟؟

Ayman Grais
08-15-2009, 02:05 PM
الاسم التاني لعيسو هو ادوم تك 25:30


السؤال اللي مستني حد يجاوبه هو:

مين اللي اتذكر عنه انه أقرع huuh ؟

maro
08-15-2009, 07:21 PM
سورى ايفا انا مكنتش اعرف انه اتقال قبل كده
اما اجابة سؤالك ياباسم اقصر اصحاح هو مزمور 117
سوالى هو ! من هو اول عازف فى الكتاب المقدس ؟؟؟؟

Eva
08-15-2009, 10:39 PM
هاجاوب السؤالين انا
http://www.istockphoto.com/file_thumbview_approve/9421574/2/istockphoto_9421574-little-girl-raising-her-hand-with-big-smile.jpg


سؤال أيمن
الذى ذكر الكتاب عنه انه كان أقرع هو النبى أليشع

سؤال مارو
أول عازف للموسيقى هو يوبال

وهاسأل سؤال واحد وسهل جداااااااااااااا
من هو الملك الذى صنع وليمة لمدة 180 يوم؟؟؟؟؟

Basma.Grais
08-15-2009, 11:02 PM
هنفوتهالك المرة دي يا أيمن laugh

اجابتك يا ايفا هيا : الملك احشويروش في استير 1 : 4

وسؤالي بيقول :عايزة 5 قالوا جملة حي هو الرب

وبالشواهد

mickey2010
08-16-2009, 11:37 AM
جدعون : فقال هم اخوتي بنو امي.حيّ هو الرب لو استحييتماهم لما قتلتكما. قض 8: 19
بوعز : والآن صحيح اني وليّ ولكن يوجد وليّ اقرب مني.13 بيتي الليلة ويكون في الصباح انه ان قضى لك حق الولي فحسنا.ليقض.وان لم يشأ ان يقضي لك حق الوليّ فانا اقضي لك حيّ هو الرب.اضطجعي الى الصباح را 3: 13
شاول : لانه حيّ هو الرب مخلّص اسرائيل ولو كانت في يوناثان ابني فانه يموت موتا.ولم يكن من يجيبه من كل الشعب 1 صم 14: 39
ابيجايل: والآن يا سيدي حيّ هو الرب وحية هي نفسك ان الرب قد منعك عن أتيان الدماء وانتقام يدك لنفسك.والآن فليكن كنابال اعداؤك والذين يطلبون الشر لسيدي.1 صم 25: 26
داود : وقال داود حيّ هو الرب ان الرب سوف يضربه او يأتي يومه فيموت او ينزل الى الحرب ويهلك. 1 صم 26: 10

سؤالى هو : من هما الساحران اللذان قاوما موسى النبي؟ من ذكر اسميهما؟

Eva
08-16-2009, 03:48 PM
اجابة سؤالك يا مايكل


وكما قاوم ينيس ويمبريس موسى ، كذلك هؤلاء أيضا يقاومون الحق . أناس فاسدة أذهانهم ، ومن جهة الإيمان مرفوضون (2تي 3 : 8)

سؤالى بيقول
ما اسم القابلتين اللى كانوا بيولدوا العبرانيات؟؟؟

mickey2010
08-16-2009, 04:45 PM
اسماء القابلتين : شفرة و فوعة

سؤالى هو :من هو أول شخص بنى مدينة؟ وما اسمها؟

Basma.Grais
08-17-2009, 12:27 AM
اجابة سؤالك يا مايكل : هو قايين واسم المدينة حنوك في تك 4 :17

وسؤالي سهل وبيقول : عايزه 3 شخصيات غيًر الرب اساميهم ... واكيد بالشواهد ;)

mickey2010
08-17-2009, 12:07 PM
ابراهيم : فلا يدعى اسمك بعد ابرام بل يكون اسمك ابراهيم.لاني اجعلك ابا لجمهور من الامم.تك 17: 5
سارة : وقال الله لابراهيم ساراي امرأتك لا تدعو اسمها ساراي بل اسمها سارة. تك 17: 15
يعقوب : فقال لا يدعى اسمك في ما بعد يعقوب بل اسرائيل.لانك جاهدت مع الله والناس وقدرت. تك 32: 28

ما هى المعجزة التى ذكرت فى الأربعة اناجيل؟

Eva
08-18-2009, 02:47 PM
معجزة إشباع الخمسة آلاف


سؤااااااااالى
ما هى أول معجزة صنعها الرب يسوع ؟؟؟

Basma.Grais
08-19-2009, 09:57 AM
تحويل الماءإلى خمر في عرس قانا الجليل

وسؤالي صعب شويه وبيقول : ايه هما الاصحاحين المتشابهين او ممكن نقول انهم متطابقين في الكتاب المقدس ؟ ( غير مز 14 و 53 )

عايزين ناس جديدة تشارك معاااااااااانا thumbup

Eva
08-19-2009, 03:43 PM
انا نفسى فعلا ناس جديدة تشارك معانا
بس لحد ما ييجوا أنا هاجاوب يا بسمة
:):):)


اجابة السؤاااااال
اشعياء 37، ملوك ثاني 19

سؤالى بيقول
أذكر 5 من معجزات إليشع

ها مين هايجااااااااااااوب

بنت الملك
08-22-2009, 09:27 PM
خمسه معجزات ل اليشع1- معجزة شق مياه نهر الأردن
2- أرسل الله بواسطة النبي أليشع أمطاراً غزيرة،
3- معجزه أجراها مع أرملة كانت مديونة وليس معها ما تسدد به ديْنها. وقد بارك الله الشيء الوحيد الذي كانت الأرملة تملكه، دُهنة زيت حتى جعلت تفيض إلى أن ملأت كل الأوعية. وبهذا باعت الأرملة الزيت وسددت الديْن.
4- إقامة ابن المرأه الشونميه من الموت.
5- معجزة طفْو الحديد على الماء.

وسؤالى سهل جداthumbup
ما هى الرسائل الأربعة التى كتبها القديس بولس من رومية ؟

Basma.Grais
08-24-2009, 03:57 PM
الإجابة : أفسس - فيلبي - كولوسي- فليمون

وسؤالي بيقول : اتنين قالوا لاتنين "ولو طلبتي نصف المملكة تعطى لكي"

المطلوب: أسماء الأربع أشخاص بالشواهدcool

basem
08-30-2009, 02:00 PM
هيرودس قالها هيروديا الشاهد (مرقس 23:6)
احشويرش قالها استير الشاهد (استير 3:5)

Basma.Grais
09-07-2009, 12:49 AM
انا هاحط سؤال عشان باسم جاوب و نسي يحط سؤال :)

الفتية التلاته كان اسمهم الاصلي ايه واتغير لإيه ؟؟؟

اللي هايجاوب مينساش يحط سؤاااااااااااااالcool

basem
09-07-2009, 01:59 AM
حنانيا شدرخ
مشائيل ميشخ
عزريا عبد نغو
السوال بتاعى هو :-
اذكر من هو :تعلق شعر راسه بفرع شجره ومات؟

Eva
09-09-2009, 03:58 PM
انا بس كان عندى تعليق على اجابة بنت الملك على سؤالى بتاع معجزات اليشع
هى كتبت ان فى معجزة ارسال مطر
انا مش فاكرة ان المعجزة ديه عملها اليشع بس يا ريت لو انا غلطانة وانت عندك شاهد يا بنت الملك اكتبيه

بس فى معجزات تانى لاليشع زى
ابراء مياه النبع بوضع ملح فيه
اطعام مئة رجل بعشرين رغيف من الشعير

اجاوب بقى على سؤال باسم
ابشالوم

وسؤالى الجديد سهل أووووووووووى
اسم أُم وجدة تيموثاوس؟؟

مين هايحل؟؟؟؟؟

Basma.Grais
09-09-2009, 04:34 PM
الاجابة هيا :
أم تيموثاوس هي : أفنيكي وجدته لوئيس ( 2تيمو 1: 5 )

وسؤالي بيقول : يوسف لما اتولى سلطة مصر فرعون غيرله اسمه ... ايه كان اسمه الجديد

ياللا مين هيجااااااااوب

Eva
09-09-2009, 07:19 PM
الاجابة هى صفنات فعنيح

وسؤااااالى بيقول
يوسف لما اتولى سلطة مصر فرعون اعطاه زوجة ...... اسمها إيه؟؟؟


ياللا جاوبى يابسمةhuhblink
أقصد ياللا مييييين هايجاوب؟؟؟؟
laughlaughlaugh

Sylvy
09-12-2009, 04:05 PM
I'm back
الإجابة: أسنات بنت فوطي فارع
السؤال: اذكر اسم آخر لجدعون.

Basma.Grais
09-12-2009, 11:39 PM
اجابة سؤالك يا سيلفيا هو : يربعل

وسؤالي : أذكر اسم دانيال الذي أطلق عليه في بابل ؟؟؟؟

thumbup عايزين ناس جديدة تشارك معانا

basem
09-16-2009, 01:43 AM
بلطشاسر
السوال هو:-
انا خالتى اختى وابى جدى ؟

Eva
09-24-2009, 10:12 PM
الإجابة هى
موآب وينفع برضه بن عمى

thumbupthumbupthumbup

سؤااااااااالى بيقول
اذكر اسماء ابناء يوسف؟؟

مين هايجااااااااااااااااااوب؟؟؟

بنت الملك
09-25-2009, 10:14 PM
اسماء اولاد يوسف افرايم ومنسى
ما هى محتويات تابوت العهد؟thumbup

Basma.Grais
09-26-2009, 12:36 PM
محتويات تابوت العهد :قسط المن - عصا هارون التي أفرخت- لوحا العهد
كما ورد في ( عب 9 : 4 ) cool

وسؤالي بيقول : الرب يسوع أثناء حياته على الأرض أقام كم ميت ؟؟؟؟ ومن هم ؟؟؟؟

أظن أن السؤال سهل أوووووي

Eva
09-26-2009, 01:46 PM
فعلا سؤااااااال سهل

والإجابة كالتالى
3 أشخاص
ابنة يايرس وابن أرملة نايين و لعازر

وسؤاااالى بيقول
اذكر شخص اقام ميت فى العهد الجديد غير ( الرب يسوع )؟؟ وما اسم الميت؟؟

Basma.Grais
10-03-2009, 03:09 PM
بولس الرسول أقام أفتيخوس ( اعمال 20 : 7-12 )

وسؤالي بيقول : مين اللي الكتاب وصفه بأنه " رجل أعسر " ؟؟؟

يا ريت بالشاهد

ياللا مين هايجاااااااوب !!!!!

Samuel.G
10-03-2009, 08:23 PM
laughالاجابة : اهود بن جيرا ( السؤال ده سهل :) )

وصرخ بنو اسرائيل الى الرب فاقام لهم الرب مخلّصا اهود بن جيرا البنياميني رجلا اعسر.فارسل بنو اسرائيل بيده هدية لعجلون ملك موآب قضاه 3 : 15

سؤالي :

في اي سفر في العهد القديم جاء اسم صموئيل النبي مرة واحدة
اذكر الشاهد

Ayman Grais
10-03-2009, 09:38 PM
يا صمويل, في ثلات أسفار اتذكر فيها صموئيل النبي مرة واحدة.. دورت ولقيتهم:

ولم يعمل فصح مثله في اسرائيل من ايام صموئيل النبي. ( 2 اخ 35: 18)

موسى وهرون بين كهنته وصموئيل بين الذين يدعون باسمه.دعوا الرب‏ وهو استجاب له (مز 99: 6)

ثم قال الرب لي وان وقف موسى وصموئيل امامي لا تكون نفسي نحو هذا الشعب.اطرحهم من امامي فيخرجوا (ار 15: 1)


السؤال القادم:
من الذي وصف بولس بالهذيان, ولماذا؟

Eva
10-03-2009, 10:25 PM
الاجابة يا أيمن

24وبينما هو يحتج بهذا ، قال فستوس بصوت عظيم : أنت تهذي يا بولس الكتب الكثيرة تحولك إلى الهذيان (اع 26 : 24)

السبب
كان وقتها بولس بيتكلم إزاى ربنا اتقابل معاه على طريق دمشق واتغيرت حياته
وانه بعدها ابتدأ يبشر بالمسيح الذى تألم وصُلب ثم قام من بين الاموات

سؤالى بيقول
أين ذكر اسم باراق فى العهد الجديد؟؟؟

Basma.Grais
10-04-2009, 11:18 AM
في سحابة الشهود يا ايفا

" وماذا أقول أيضاً؟ لأنه يعوزني الوقت إن أخبرت عن جدعون وبالاق وشمشون ويفتاح وداود وصموئيل والأنبياء"
عب 11 : 32

وسؤالي بيقول : قتلت اخوتي السبعين على حجر واحد ... فمن أنا ومن هو أبي ؟؟؟؟؟

Eva
10-05-2009, 01:27 PM
الاجابة يا بسمة

أبيمالك بن يربعل
(قضاة 9)

وسؤالى
ما الاسم الآخر ليربعل؟؟؟

Basma.Grais
10-17-2009, 12:51 PM
الاجابه يا إيفا هي : جدعون ( قض 7 : 1 )

وسؤالي بيقول : اذكر 3 شباب وصفهم الكتاب بالجمال وحسن الصورة ... مع ذكر الشاهد


ياللا حد يجااااااااااااوب :)

Eva
10-18-2009, 01:45 AM
يوسف "تكوين 39 : 6 "
داود " صموئيل الأول 16 : 12 "
أدونيا " ملوك الأول 1 :6 "

سؤاالى
من هو جد مفيبوشث؟؟؟

Basma.Grais
10-18-2009, 01:56 AM
برافو يا ايفاthumbup ليكي عندي ستااااااااار كبيرة laugh

وكمان فيه شاول ( 1 صم 9 :2 ) وأبشالوم ( 2 صم 14 : 25 )

+FADI+
10-20-2009, 08:56 PM
أين السؤال ؟؟؟
طيب بما انه لم يتم طرح سؤال سأطرح انا سؤال ....

من هي المرأة التي بكى يسوع عندما رآها تبكي ؟

Ayman Grais
10-21-2009, 02:41 AM
فاديwub, السؤال موجود في رد ايفا , وكان:

من هو جد مفيبوشث؟؟؟

basem
10-22-2009, 10:58 PM
شاول هو جد مفيبوشث
السوال هو:-ما هو النبى الذى عوم الحديد

Basma.Grais
10-22-2009, 11:20 PM
الإجابة : النبي أليشع في 2 مل 6:6

والسؤال بيقول: مين في الكتاب المقدس اشتهر بالسرعة و اتوصف بأنه خفيف الرجلين كظبي البر؟؟؟؟

ياللا مين عارف وهيجاوبrolleyes

Eva
10-22-2009, 11:28 PM
الإجابة يا بسمة
عسائيل
2 صم 2 : 18

سؤالى صعب شوية
:cool:
ما صلة القرابة بين عسائيل وداود ؟؟؟
:confused:confused1:confused:

basem
10-25-2009, 09:43 PM
داود خال عسائيل
سوالى هو:-
اذكر اربعه اشخاص اصيبوا بالبرص؟

dr_marianne
10-25-2009, 10:22 PM
1- مريم النبية أخت موسي وهارون ( عدد 12 : 10 )
2- نعمان الأبرص (2 مل 5 : 11 )
3- جيحزي تلميذ أليشع النبي ( 2 مل 5 : 27 )
4- سمعان الأبرص ( مرقس 14 : 3 )
ياريت اي حد يتفضل يسال سؤال

Basma.Grais
10-26-2009, 12:17 AM
أهلا بيكي يا د.ماريان معانا في المسابقة

هاحط سؤال المره دي بس المره الجاية انتي اللي هتحطي laugh

ملك سأل أمر من الرب فلم يجبه فذهب إلى عرافة ... فمن هو؟؟؟؟

dr_marianne
10-26-2009, 08:13 PM
شاول الملك سأل الرب فلم يجيبه فذهب إلي عرافة فظهرت له روح صموئيل النبي


من هي المراة التي احتقرت زوجها لانه رقص؟

maro
10-27-2009, 05:59 PM
ميكال احتقرت زوجها داود لانه رقص ساعه رجوع تابوت الرب

سؤالى : من هو شمشاى ؟؟؟

سمير6666
10-31-2009, 12:18 PM
من الذى مرض فى وجهة

Basma.Grais
11-04-2009, 03:31 PM
هاجاوب سؤال مارو عشان سمير مجاوبهوش

شمشاي اتذكر في عزرا 4 وكان بيشتغل كاتب في ايام الملك ارتحششتا ملك السامره

وسؤالي بيقول : مين اللي كان اسمها نعمة في الكتاب واتذكرت فين؟ نعمة مش نعمي

ياللا حد يجاوب ويحط سؤال

Eva
11-04-2009, 04:14 PM
وصلة أيضا ولدت توبال قايين الضارب كل آلة من نحاس وحديد . وأخت توبال قايين نعمة (تك 4 : 22)

وسؤالى
أين ذكر الجراد فى الكتاب المقدس؟؟؟

Basma.Grais
11-04-2009, 10:01 PM
برافو يا إيفا شطورة thumbup

بس انا كان قصدي نعمة العمونية أم الملك رحبعام في 1 مل 14 : 21

ياللا حد يجاوب سؤال إيفا اللي كان أين ذكر الجراد في الكتاب المقدس؟؟؟؟؟

+FADI+
11-05-2009, 01:26 PM
الجراد ذكر عشرات المرات في الكتاب المقدس ورح اكتفي ببعض الايات :

العهد القديم :
الجراد ليس له ملك ولكنه يخرج كله فرقا فرقا. (امثال 27:30)
واعوض لكم عن السنين التي اكلها الجراد الغوغاء والطيّار والقمص جيشي العظيم الذي ارسلته عليكم. (يوئيل 25:2)
هكذا اراني السيد الرب واذا هو يصنع جرادا في اول طلوع خلف العشب.واذا خلف عشب بعد جزاز الملك. (عاموس 1:7)

العهد الجديد :
ويوحنا هذا كان لباسه من وبر الابل وعلى حقويه منطقة من جلد.وكان طعامه جرادا وعسلا بريا. (متى 4:3)
ومن الدخان خرج جراد على الارض فأعطي سلطانا كما لعقارب الارض سلطان. (رؤيا 3:9)
وشكل الجراد شبه خيل مهيّأة للحرب وعلى رؤوسها كأكاليل شبه الذهب ووجوهها كوجوه الناس. (رؤيا 7:9)


ما رح اكتب سؤال جديد في انتظار معرفة صحة جوابي او لا ؟ والرب يبارككم
:confused: :confused: :confused:

Eva
11-05-2009, 09:14 PM
ضفت لمعلوماتك "نعمة" يا بسمة
أى خدمةtongue_smilie

صح يا فادى thumbup
يللا هات سؤااااااااااااال :):)

over_vena
11-08-2009, 04:36 AM
جميلة اللعبة دي وإجابتك يا مايكي هي إبراهيم الذي تزوج بسارة وهي أخته لهذا نقول أنه حينما كذب في مصر هو لم يكذب لكنه قال نصف الحقيقة لكي ينقذ نفسه ونسى أن الله هو من سيحفظه
ما سؤالي فهو من هو الذي سمع الوعظة ولما طولت شوية وقع من الشباك ومين كان الخادم!!!؟؟

maro
11-08-2009, 11:43 PM
اللى وقع من الشباك ومات هو افتيخوس والخادم كان بولس الرسول.
من هو الشخص الذى قال عنه الرب:
لانى سأريه كم ينبغى أن يتألم من أجل أسمى ؟؟؟؟؟؟؟؟؟؟

Basma.Grais
11-09-2009, 11:26 AM
الاجابة يا مارو هيا شاول الطرسوسي في أع 9

وسؤالي : الرب قال لصموئيل النبي ندمت على جعل شاول ملك ... ايه اللي كان عمله شاول وخلى الرب يندم ؟؟؟؟

ياريت ياشباب اللي يغيب فتره عن المسابقه ويرجع تاني ويحب يشارك معانا يفتح الصفحة الاخيره مش الصفحة اللي وقف عندها عشان متحصلش لخبطةrolleyes

keeroo atef
01-13-2010, 05:22 PM
ندمت على اني جعلت شاول ملكا لانه رجع من ورائي و لم يقم كلامي فاغتاظ صموئيل و صرخ الى الرب الليل كله (1صم 15 : 11)

و ذلك عندما " عفا شاول و الشعب عن اجاج و عن خيار الغنم و البقر و الثنيان و الخراف و عن كل الجيد و لم يرضوا ان يحرموها و كل الاملاك المحتقرة و المهزولة حرموها " (1صم 15 : 9)

رغم امر الرب "اذهب و اضرب عماليق و حرموا كل ما له و لا تعف عنهم بل اقتل رجلا و امراة طفلا و رضيعا بقرا و غنما جملا و حمارا."( 1 صم 15 : 3)

سؤالى هو من هو أول جبار ذكر فى الكتاب المقدس ؟ اظن سهل

Basma.Grais
01-23-2010, 12:13 AM
أنا هاجاوب يا كيرو : أول جبار كان نمرود في تك 10 : 8

2 كانت وظيفتهم كاتب ... مين هما وبالشاهد

ياللا يا أعضاء المنتدى الكرام عايزين نشاااااااااااااااااااط thumbup

keeroo atef
01-23-2010, 03:07 AM
أنا هجاوب يا بسمة
عزرا و صادوق
عزرا هذا صعد من بابل و هو كاتب ماهر في شريعة موسى التي اعطاها الرب اله اسرائيل و اعطاه الملك حسب يد الرب الهه عليه كل سؤله (عز 7 : 6)

و اقمت خزنة على الخزائن شلميا الكاهن و صادوق الكاتب و فدايا من اللاويين و بجانبهم حانان بن زكور بن متنيا لانهم حسبوا امناء و كان عليهم ان يقسموا على اخوتهم (نح 13 : 13)

سؤالى سهل جدا : مين ال 2 اللى كانوا بيختاروا منهم تلميذ مكان يهوذا ؟

Eva
01-23-2010, 02:04 PM
الإجاااااااااابة

يوسف الذي يدعى بارسابا الملقب يوستس ، ومتياس (اع 1 : 23)

وسؤااااالى

مين من الشخصيتين دول " بارسابا ومتياس " تم اختياره بدلا من يهوذا؟؟

Basma.Grais
01-23-2010, 02:46 PM
الإجابة يا إيفا : متياس في أع 1 : 26

وسؤالي بيقول : 3 سيدات كن نبيات ... مين مين ؟؟؟؟

ياللا عايزين ناس جديدة

keeroo atef
01-23-2010, 06:08 PM
أنا قديم ينفع ؟؟؟ أنا هجاوب يا بسمة
1- مريم النبية (خر 15 : 20)
2-دبورة (قض 4 : 4)
3-حنة بنت فنوئيل (لو 2 : 36)

و الشواهد دى مذكور فيها انهم نبيات
سؤالى هو : من هو الذى كان عنده اربع بنات عذارى كن يتنبأن ؟؟ سهل جدا

Basma.Grais
01-24-2010, 10:30 AM
برافو يا كيرو وكمان فيه خلدة النبية في 2مل 22 : 14

إجابتك هيا : فيلبس في أع 21 :9

وسؤالي بيقول مين اللي قال الكتاب عنه إن بناته كانت أجمل بنات في كل الأرض؟؟؟

عايزه اسمه واسماء بناته... مين هايقووووول ؟؟؟

Eva
01-24-2010, 11:42 AM
الإجااااااااااااااااااااااااااااااااابة

أيوب وأسماء بناته يميمة وقصيعة وقرن هفوك ( أيوب 42 : 14 )

وسؤاااااااااالى

بنات أيوب دول كان ليهم كام أخ ولد ؟؟؟؟

keeroo atef
01-24-2010, 12:26 PM
كان ليهم 7 اخوات
( أى 42 : 13 )

سؤالى هو : من هو نبى اوصى بنظافة الاسنان ؟
مين هيجاوووووب؟؟؟

Eva
01-25-2010, 06:07 PM
الإجااااااااااااااابة عاموس

( عا 4 : 6 )

وسؤاااااااااالى
ما عدد أسفار الانبياء الصغار ؟؟؟

keeroo atef
01-25-2010, 06:30 PM
12 سفر
سؤالى هو : من هما الساحران اللذان قاوما موسى النبي ؟
يا ترى مين هيجاوب ؟؟؟؟

Basma.Grais
01-25-2010, 11:24 PM
الإجابة هيا : ينيس ويمبريس في( 2 تي 3 : 8 )

وسؤالي بيقول : مين اللي كانت وظيفته ساقي للملك ؟؟؟؟

keeroo atef
01-25-2010, 11:39 PM
نحميا ( نح 2 : 1 )
سؤالى هو : ما أسم أول إمرأة تزوجها داود النبي ؟

Basma.Grais
01-28-2010, 03:36 PM
أول زوجة لداود كانت ميكال بنت شاول في 1 صم 18 : 27

وسؤالي بيقول : مين أول شخص في الكتاب المقدس عمل كراعي للغنم؟؟؟؟؟

ياللا مين هيجاوب؟؟؟؟

keeroo atef
01-28-2010, 04:13 PM
هابيل

كان هابيل راعيا للغنم (تك 4 : 2)

سؤالى هو : من هو أول أبن لعاقر أعطي من الله بوعد مسبق ؟

Basma.Grais
01-29-2010, 01:09 AM
الإجابة إسحق

وسؤالي بيقول : ايه هو أول سؤال إتسأل في الكتاب المقدس ومين سأله وسأله لمين؟؟؟؟ وبالمرة الشاهد laugh

keeroo atef
01-29-2010, 01:21 AM
الحية لحواء
أحقا قال الرب لا تأكلا من كل شجر الجنة ؟ ( تك 3 : 2 )

سؤالى هو : شخص كان ملكاً ، وكان نبياً في نفس الوقت . من هو ؟

Basma.Grais
01-30-2010, 10:51 PM
الاجابة : داود

وسؤالي بيقول : مين اتذكر عنه في الكتاب المقدس إنه اشتغل فلاح؟؟؟؟

keeroo atef
01-30-2010, 11:40 PM
نوح (تك 9 : 20)
سؤالى هو : أذكر اسم ابن نذرته أمه قبل أن يولد .

مين هيجاوووووووووووووب ؟؟؟

Eva
02-03-2010, 05:23 PM
الإجابة صموئيل

وسؤالى اذكر اسم ام صموئيل ووالده أيضا

keeroo atef
02-03-2010, 06:28 PM
امه حنة و ابوه القانه ( 1 صم 1 :1-2 )

و سؤالى هو : من هو أول شخص قيل في الكتاب إنه كان كاهناً ؟
ميين هيجاووووووب ؟؟؟

Eva
02-06-2010, 09:17 PM
الإجابة

وملكي صادق ، ملك شاليم ، أخرج خبزا وخمرا . وكان كاهنا لله العلي (تك 14 : 18)

وسؤاااااااااالى
من أنا : أرسلنى الرب لتبشير الخصى الحبشى؟؟

keeroo atef
02-07-2010, 01:22 AM
انا هجاوب : فيلبس الرسول (أع 8 : 26-27 )

و سؤالى هو : اذكر اسماء 3 أشخاص في الكتاب المقدس باسم يعقوب ؟

Ava Bavly
02-07-2010, 03:45 PM
يعقوب بن اسحق
يعقوب بن حلفى
يعقوب بن زبدي


سؤال :

اين ذكرت تل ابيب في الكتاب المقدس ؟

keeroo atef
02-07-2010, 04:06 PM
فجئت الى المسبيين عند تل ابيب الساكنين عند نهر خابور و حيث سكنوا هناك سكنت سبعة ايام متحيرا في وسطهم (حز 3 : 15)

و سؤالى هو : من هما الرسولان اللذان أطلق عليهما السيد المسيح لقب ( بوانرجس ) ؟ وما معنى هذا اللقب ؟

Eva
02-07-2010, 04:12 PM
الإجااااااااابة
يعقوب ويوحنا ابنى زبدى
ومعناه : ابنى الرعد
سؤاااااالى
من أنا : أخذت الرب يسوع على ذراعى وباركت الله أنى رأيت مسيحه؟؟

keeroo atef
02-07-2010, 04:16 PM
سمعان الشيخ ( لو 2 : 25 )

سؤالى هو : أى الرسول كاد الناس يعبدونه ، ودعوه بأسم أحد آلهتهم ؟ ماهو ذلك الإسم ؟

Basma.Grais
02-07-2010, 10:16 PM
ايه النشاط ده يا شباب ... واضح اني غبت كتيييير unsure

الإجابة : بولس الرسول وسموه هرمس وبرنابا وسموه زفس . في أعمال 14 : 11-12

وسؤالي بيقول : مين قال لمين " كنت حلو لي جدا " وايه المناسبة ؟؟؟؟ وبالمره الشاهد بقىthumbup

keeroo atef
02-08-2010, 02:12 AM
داود ليوناثان فى رثاءه

قد تضايقت عليك يا اخي يوناثان كنت حلوا لي جدا محبتك لي اعجب من محبة النساء (2صم 1 : 26)

سؤالى هو : من هم الرسل الذين كان لكل منهم إسمان ؟ اذكر خمسة من هؤلاء الرسل . . .

Basma.Grais
02-10-2010, 11:51 AM
يهوذا : برسابا
سمعان : بطرس
شاول: بولس
بارسابا : يوستس
يوحنا : مرقس

وسؤالي سهل جدااا و بيقول : أين ذكر السكين في الكتاب المقدس ؟؟؟

Treze
02-10-2010, 02:37 PM
في قصة إبراهيم وأسحاق (تك 22: 6)
فاخذ ابراهيم حطب المحرقة و وضعه على اسحق ابنه و اخذ بيده النار و السكين فذهبا كلاهما معا.

Treze
02-10-2010, 02:51 PM
وسؤالي هو: مين اللى أتجوزت أبن عم أبوها؟

Eva
02-10-2010, 03:53 PM
الإجابة
رفقة ( تكوين 22 : 20 - 23 )

وسؤااالى
أذكر أسماء أصحاب أيوب؟؟؟

Basma.Grais
02-11-2010, 01:34 PM
أصحاب أيوب : أليفاز التيماني وبلدد الشوحي وصوفر النعماتي أيوب 2 : 11

والسؤال : مين اللي كانوا بيقاوموا نحميا في بناء السور؟؟؟؟ بالشاهد

Eva
02-15-2010, 03:57 AM
الإجاااااااابة
وَلَمَّا سَمِعَ سَنْبَلَّطُ الْحُورُونِيُّ وَطُوبِيَّا الْعَبْدُ الْعَمُّونِيُّ وَجَشَمٌ الْعَرَبِيُّ هَزَأُوا بِنَا وَاحْتَقَرُونَا، وَقَالُوا: «مَا هذَا الأَمْرُ الَّذِي أَنْتُمْ عَامِلُونَ؟ أَعَلَى الْمَلِكِ تَتَمَرَّدُونَ؟».
نحميا 2 : 19

وسؤاااااااالى
ما هى مهنة نحميا فى بابل؟؟

keeroo atef
02-16-2010, 12:46 AM
ساقى الملك
و في شهر نيسان في السنة العشرين لارتحشستا الملك كانت خمر امامه فحملت الخمر و اعطيت الملك و لم اكن قبل مكمدا امامه ( نحميا 2 : 1 )

اب و ابنه لهم نفس الاسم مييين ؟؟

RORO EMAD
02-28-2010, 05:29 PM
طوبيا
ولما ان صار رجلا اتخذ له امراة من سبطه اسمها حنة فولد له منها ولد فسماه باسمة"طو9:1
سؤالى
اذكر آية قالها السيد المسيح عن صوم الآباء الرسل

keeroo atef
03-01-2010, 05:03 PM
فقال لهم يسوع هل يستطيع بنو العرس ان ينوحوا ما دام العريس معهم و لكن ستاتي ايام حين يرفع العريس عنهم فحينئذ يصومون (مت 9 : 15)

سؤالى هو : أين ذكر عن الرب انه ملك الملوك و رب الأرباب ؟؟ مع ذكر الشواهد ..

Eva
03-02-2010, 12:06 AM
الإجاااااااابة
هؤلاء سيحاربون الخروف ، والخروف يغلبهم ، لأنه رب الأرباب وملك الملوك ، والذين معه مدعوون ومختارون ومؤمنون (رؤ 17 : 14)

وله على ثوبه وعلى فخذه اسم مكتوب : ملك الملوك ورب الأرباب (رؤ 19 : 16)

الذي سيبينه في أوقاته المبارك العزيز الوحيد : ملك الملوك ورب الأرباب (1تي 6 : 15)


وسؤالى
من غير الرب ذكر عنه انه ملك الملوك .... بالشاهد

keeroo atef
03-02-2010, 12:53 AM
من ارتحشستا ملك الملوك الى عزرا الكاهن كاتب شريعة اله السماء الكامل الى اخره (عز 7 : 12)


و سؤالى هو : من هو الملك الذي رجع إلي بيته مكتئباً مغموماً ؟ وماذا كان السبب ؟

Eva
03-02-2010, 07:23 PM
الإجااااااااااابة
فدخل أخآب بيته مكتئبا مغموما من أجل الكلام الذي كلمه به نابوت اليزرعيلي قائلا : لا أعطيك ميراث آبائي . واضطجع على سريره وحول وجهه ولم يأكل خبزا (1مل 21 : 4)


وسؤالى
ما إسم زوجة آخاب وابنته ؟؟؟

Basma.Grais
03-02-2010, 11:55 PM
زوجته إيزابيل و ابنته عثليا

وسؤالي بيقول : نبي ربنا قال له لا تعمل مناحة على أموات وبعدها بفترة قليلة جدا ماتت زوجته... مين هو النبي؟؟؟؟؟؟؟

keeroo atef
03-03-2010, 01:16 AM
حزقياااال

سؤالى هو : كم زوجة تزوجها أبونا إبراهيم أبو الآباء ؟ ومن كانت أكثرهن نسلاً ؟

Eva
03-03-2010, 03:21 AM
سارة وهاجر وقطورة
وقطورة هى اكثرهن نسلا

السؤاااال
من أنا : بعت حقل وقدمت كل ثمنه للرسل ليوزعوه على المحتاجين .... بالشاهد

Basma.Grais
03-03-2010, 03:08 PM
الاجابه هي : برنابا في أعمال 4 : 36-37

السؤال هو : بعنا ملكا واختلسنا من ثمنه وكذبنا على الرسل لما سألونا على الثمن... نبقى مين؟؟؟

أظن مفيش اسهل من كده :)

keeroo atef
03-03-2010, 03:47 PM
حنانيا و سفيرة

و سؤالى هو : اذكر أسماء أربعة أشخاص ، كتب بولس الرسول رسائله علي أيديهم ؟

سؤال سهل جدااا :)

Eva
03-04-2010, 04:07 AM
فيبى , تيخيكس , ابفرودتس و أنسيمس

وسؤالى : ما الرسالتان اللتان كُتبتا على يد أنسيمس؟؟
سهل برضه :):)

keeroo atef
03-04-2010, 04:18 PM
كولوسى و فليمون

سؤالى هو : ما هو إسم واحد من معاونى بولس الرسول قد هلك ؟

Eva
03-05-2010, 11:06 PM
لأن ديماس قد تركني إذ أحب العالم الحاضر وذهب إلى تسالونيكي
(2تي 4 : 10)

سؤاالى : كم سنة لم تمطر السماء بسبب صلاة إيليا ؟؟ بالشاهد

keeroo atef
03-06-2010, 12:26 AM
كان ايليا انسانا تحت الالام مثلنا و صلى صلاة ان لا تمطر فلم تمطر على الارض ثلاث سنين و ستة اشهر (يع 5 : 17)

و سؤالى هو : اذكر اسم شخص أقامه الرسول بولس من الموت ؟

Basma.Grais
03-08-2010, 01:03 PM
أفتيخوس في أعمال 20 : 9

وسؤالي بيقول : عايزه قصتين كان فيهم أعرج وياريت بالشواهد

ياللا مين هيجاوب؟؟؟

Eva
03-09-2010, 01:38 AM
وكان ليوناثان بن شاول ابن مضروب الرجلين ..... فحملته مربيته وهربت . ولما كانت مسرعة لتهرب وقع وصار أعرج . واسمه مفيبوشث (2صم 4 : 4)

وكان رجل أعرج من بطن أمه يحمل ، كانوا يضعونه كل يوم عند باب الهيكل الذي يقال له الجميل ليسأل صدقة من الذين يدخلون الهيكل (اع 3 : 2)

من شفى الرجل الاعمى الذى كان يجلس عند باب الهيكل؟؟؟؟
مفيش اسههههههههههل من كدة ;)

keeroo atef
03-09-2010, 01:45 AM
بطرس و يوحنا

و سؤالى هو : مين أتذكر عنها إنها كانت ضعيفة العينيين ؟؟؟

Eva
03-09-2010, 01:50 AM
ليئة
وكانت عينا ليئة ضعيفتين (تك 29 : 17)

وسؤالى : ما اسم أختها وزوجها واباها ؟؟؟laugh

keeroo atef
03-09-2010, 02:01 AM
أختها راحيل و زوجها يعقوب و أبوها لابان

و سؤالى هو : كم سنة خدم يعقوب لدى لابان ؟؟؟

Basma.Grais
03-13-2010, 12:02 AM
20 سنة ( تك 31 : 38 )

وسؤالي بيقول : 2 كهنة كان لكل منهم 2 اولاد أشرار ...
المطلوب : اسماء الكهنة واسماء أولادهم

basem
05-21-2010, 02:15 PM
عالى الكاهن اسم الابناء حفنى وفينحاس
صموئيل وشنى وأبيا
السوال هو : -
من هو الرجل الذى تعرض للاعدام من أجل أكله عسل ؟

keeroo atef
05-21-2010, 03:27 PM
يوناثان
فقال شاول ليوناثان اخبرني ماذا فعلت فاخبره يوناثان و قال ذقت ذوقا بطرف النشابة التي بيدي قليل عسل فهانذا اموت. فقال شاول هكذا يفعل الله و هكذا يزيد انك موتا تموت يا يوناثان. ( 1 صم 14 : 43-44 ) و لكن " افتدى الشعب يوناثان فلم يمت " ( 1 صم 14 : 45 )

و سؤالى هو :
اين ذكرت اسماء الساحرين اللذان قاوما موسى ؟؟

Eva
05-21-2010, 05:05 PM
هو ايه حكاية السؤال ده معاك يا كيروو؟!!!!!
فى كل مسابقة هاتحطه tongue_smilie
حد بقى غيرى يجاوب :D

basem
05-21-2010, 07:28 PM
ينيس يمبريس (2تيمو3 : 8 )
نبى مشى حافيا لمدة ثلاث سنين ؟ من هو ؟

keeroo atef
05-21-2010, 11:00 PM
اشعياء
فقال الرب كما مشى عبدي اشعياء معرى و حافيا ثلاث سنين اية و اعجوبة على مصر و على كوش (اش 20 : 3)

و سؤالى هو :
من أنا : أمرنى الرب أن أتزوج المرأة الشريرة ؟؟

basem
05-22-2010, 01:16 AM
هوشع
من هو الملك الذى هدم مدينه وقتل شعبها ثم زرع ارضها ملحا؟؟

keeroo atef
05-22-2010, 01:37 AM
ابيمالك
و حارب ابيمالك المدينة كل ذلك اليوم و اخذ المدينة و قتل الشعب الذي بها و هدم المدينة و زرعها ملحا (قض 9 : 45)

و سؤالى هو :
من هو أول ابن لعاقر اعطى من الله بوعد مسبق ؟؟

basem
05-24-2010, 05:36 PM
اسحق
من كان أول إنسان ذكر الكتاب إنه كان ناجحاُ ؟ وماذا كان سبب نجاحه؟

keeroo atef
05-24-2010, 06:07 PM
يوسف
" و كان الرب مع يوسف فكان رجلا ناجحا " ( تك 39 : 2 )

و سؤالى هو :
من هو : قيل عن نسله أنهم أولاد الله ؟؟؟

ABANOUB MOURAD
09-12-2010, 10:27 PM
مرسى على اللعبة الجميلة دى يافادى
بالنسبة لسؤال الاخ مايكى فانا هجاوب عليه اعتقد ان الذى تزوج ابوه عمته هو اسحق لان ابراهيم ابوه اتجوز ساره اخته من ابيه (تك ١٢:٢٠)
اتمنى انى اكون فهمت السؤال وجاوبت عليه صح

basem
10-11-2010, 01:59 PM
اظن يا كيرو انهم اولاد يعقوب لو صح اكتب انا سوال

keeroo atef
10-12-2010, 12:37 AM
لأ يا باسم مش تمام
دور تانى و اكيد هتلاقيها
( هى فى التكوين برضو )

basem
10-12-2010, 01:19 PM
يبقى اولاد شيث

Basma.Grais
02-14-2011, 11:06 PM
بما اننا عايزين نرجع المسابقة الكتابية تاني ومش عارفين حل السؤال الأخير ... هنضطر نعدي السؤال الأخير و نحط سؤال غيره :

السؤال بيقول : مين اللي طلب من غلامه انه يقتله بالسيف عشان ميقولوش قتلته إمرأة ؟ ويا ريت الشاهد بقىthumbup


مين هيجاوب ؟؟؟

Eva
02-15-2011, 10:53 PM
الإجابة : أبيمالك ( قض 9 :54 )

وسؤالى : مين اللى سرقت أصنام أبيها ؟

basem
02-15-2011, 11:35 PM
الاجابه هى : راحيل
السؤال من هو الذى قدم ابنته ذبيحه ؟

Basma.Grais
02-19-2011, 11:43 AM
يفتاح الجلعادي في قض 11

سؤالي بيقول : 2 أمر الملك داود غلمانه فقتلوهما وقطعوا ايديهما وارجلهما وعلقوهما على البركة في حبرون ... من هما و ماذا فعلا ؟

Eva
02-21-2011, 11:06 PM
الإجابة : ركاب وبعنة وكانوا قد قتلوا ايشبوشث
سؤالى : من الذى خبأ 100 من رجال الرب وعالهم فى ايام ايزابل ؟

keeroo atef
02-22-2011, 02:47 AM
و كان حينما قطعت ايزابل انبياء الرب ان عوبديا اخذ مئة نبي و خباهم خمسين رجلا في مغارة و عالهم بخبز و ماء (1مل 18 : 4)

و سؤالى هو : اذكر 4 تلاميذ لكل منهم اسمين ؟؟

Basma.Grais
02-22-2011, 11:16 AM
الإجابة هي : سمعان ( بطرس ) مت 10 : 2

لباوس ( تداوس ) مت 10 : 3

يعقوب بن زبدي وأوه يوحنا ( بوانرجس أي ابني الرعد ) مر 3 : 17


وسؤالي بيقول : مين اللي ربنا قاله "هاانذا أخذ عنك شهوة عينك بضربة ( زوجته ) فلا تنح ولا تبك ولا تنزل دموعك ... لا تعمل مناحة على أموات " ؟؟؟

keeroo atef
02-22-2011, 11:38 AM
حزقيــــــال

و سؤالى هو :
هرب و هو عبد من وجه الملك و عاد بعد حين فجعلوه هو الملك ... من هو ؟؟

Eva
03-07-2011, 10:38 PM
الاجابة يربعام

وسؤالى
ما هى المملكة التى ملك عليها يربعام؟

Basma.Grais
03-07-2011, 10:50 PM
المملكة الشمالية

وسؤالي بيقول : أشار مشورة ولم يؤخذ بها فخنق نفسه ومات ... فمن هو ؟؟؟

meero
03-08-2011, 07:47 PM
اخيتوفل
والسؤال
من هم ابنى الرعد ؟؟

keeroo atef
03-09-2011, 05:28 PM
يوحنا و يعقوب ابنى زبدى

و سؤالى هو :
ابراهيم كان عنده كام ابن ؟؟؟ و تزوج كام واحدة ؟؟

Eva
03-09-2011, 08:01 PM
الاجابة
كان عنده 8 ابناء و3 زوجات

وسؤالى ما اسماء ابناؤه الثمانية ؟

Basma.Grais
03-10-2011, 04:34 PM
إسماعيل - إسحق - زمران - يقشان - مدان - مديان - يشباق - شوحاً

سؤالي بيقول : مين اللي اتقال عنه : لم يكن في كل اسرائيل رجل جميل وممدوح جدا مثله ...من باطن قدمه حتى هامته لم يكن فيه عيب

linaaa
03-11-2011, 12:47 AM
الجواب هو : ابشالوم
وسؤالي هو : ماهي اول كذبة دكرت في الكتاب المقدس ؟؟؟

+FADI+
04-15-2011, 12:52 AM
اول كذبة هي عندما قالت الحية للمرأة (حواء) لن تموتي عندما تأكلين من الشجرة

وسؤالي هو : من هو قائد جيش داؤود الملك ؟

Basma.Grais
04-16-2011, 01:25 PM
يوآب ابن صروية

وسؤالي بيقول : مين اللي سب داود وقال له : يا رجل الدماء ورجل بليعال ؟؟؟

كارول
08-07-2011, 07:50 AM
2 صم 16: 7 وهكذا كان شمعي يقول في سبه اخرج اخرج يا رجل الدماء ورجل بليعال.


ويل لاريئيل لاريئيل قرية نزل عليها داود.زيدوا سنة على سنة.لتدر الاعياد اش 29:1
وسؤالى هو مامعنى ارئيل ومن المقصودبها؟

besoo
08-13-2011, 04:19 PM
اول مشاركه ليا وسعيد بتواجدي هنا

مكتوبه في الايه كده لأريئيل

هل تقصد ب ارئيل معني اخر ولا هو هو

سؤالي : كلمه انجيل تعني البشاره المفرحه ويقصد به في اسفار العهد الجديد المكتوبه ولكن يوجد عدد 13 انجيل غير مكتوبه وذكرت في العهد الجديد فما هي ؟ مع ذكر الشاهد ؟

bant_elmasseh
12-09-2013, 11:09 PM
فى الاول بارحب بكل الاخوة والاخوات اللى من حلوان
ويارب نشوف مشاركاتكم دايما

بس عندى تعليق على اجابتك يا بسمة
ايليا مش بيتقرى من اليمين زى الشمال "ليليا"
انا الصراحة ماعرفش الاسم الخامس بس اكيد مش هايكون ايليا

هاجاوب سؤالك
موسى (خر 3 : 5 )
يشوع (يش 5 : 15 )

سؤالى للعضو اللى بعدى
من النبى الذى كانت مهنته جنى الجميز؟؟؟؟
لالالالا ايليا هتتقرا زى اليمون زى الشمال لان الى فى الاخر ا مش ل يعنى ايليا *thumbupايليا

حبيبة يسوع
10-21-2014, 01:25 PM
جانى الجميز هو عاموس النبى
وسؤالى من هو النبى الاقرع