المساعد الشخصي الرقمي

مشاهدة النسخة كاملة : 5 أفكار للاحتفاظ بالنظام داخل فصل مدارس الأحد


keeroo atef
02-18-2011, 01:01 PM
1) إشارة المرور:
قم بعمل نموذج لإشارة المرور داخل الفصل، وإستخدم المغناطيس لتتمكن من "إنارة" أحد الألوان الثلاثة (بوضع الدائرة ذات اللون المناسب في مكانها). اللون الأخضر معناه إستطاعة الكلام. اللون الأحمر معناه التوقف، إلخ.

2) إشارة متفق عليها:
إتفق مع الفصل على أنك ستقوم بحركة/ إشارة معينة عند حدوث هرجلة في الفصل لتنبههم أنه ينبغي مراعاة الهدوء والنظام. مثلا، في الكشافة، رفع اليد يمثل إشارة إلى الثبات، بحيث يتوقف الجميع عن الحركة والكلام عند رؤية هذه الاشارة. الفكرة أن يتعود الأولاد على الاشارة بحيث تغنيك عن طلب الهدوء في كل مرة تسود فيها الهرجلة .
يمكن أيضا أن تطلب منهم الاشتراك في الاشارة عند توقفهم عن الكلام كالمثال الأتي:
عند حدوث هرجلة توقف عن إلقاء الدرس و قم برفع يدك مثلا.. اطلب إن "لما كل واحد يخلص كلام يرفع ايده برضه و أنا هاكمل الدرس أول لما كلنا نكون رافعين ادينا و نكون هاديين"

3) المسئولية:
إختر بعض من المخدومين للقيام بمسؤليات معينة في الفصل (توزيع الأدوات على الأخرين، تنظيم الكراسي، إلخ). إختر الأشخاص المتسببين في قلة النظام داخل الفصل للقيام بهذه المهام. يمكنك أيضا أن تطلب من بعض الأولاد تحضير الدرس بأنفسهم بمساعدة الخدام (مسؤلية أكبر).

4) كرسي يسوع:
في كل مرة، دع هذا الكرسي فارغا، لا يجلس عليه أحد. كل مرة تنظر فيها لهذا الكرسي (كرسي يسوع) تذكر أن ربنا يسوع وعدنا: إذا إجتمع إثنين أو ثلاثة باسمي فهناك أكون في وسطهم... تفتكروا ربنا يسوع يحب الدوشة دي؟

5) القواعد و النتائج:
منذ البداية، قم بتوضيح قواعد محددة للنظام (مثلا: "لو حد عايز يتكلم لازم يرفع ايده" أو "فترة الأسئلة في الأخر خالص بعد الدرس"). أيضا قم بتوضيح نتائج للتصرفات منذ البداية (مثلا: "لو قعدنا هاديين و منظمين طول الدرس، هايبقى عندنا فترة لعب حلوة قوي بعد الدرس. لو عملنا دوشة هانضيع الوقت ومش هيكون فيه وقت للعب").

في جميع الأحوال، لا تنسى تشجيع الأولاد متى قاموا بالاحتفاظ بالهدوء والنظام داخل الفصل (أو متى حاولوا!). التركيز على النقاط الإيجابية يساعد كثيرا في الحفاظ عليها في المستقبل.

(الأفكار مستوحاة من مصادر متنوعة و عن تجارب الخدام.. لو عندك أفكار تانية جربتها، يا ريت تشاركها معانا في التعليقات)
منقول

meero
02-18-2011, 08:09 PM
افكار جميله كيرو وبتجيب نتيجه فعلا مع الاطفال

وكمان ممكن نقول للاولاد ان فى جايزه فى نهاية الدرس او اليوم للطفل المثالى
وكمان لو كان الشغب وسط الترانيم انا بعمل حاجه بوقف الترانيم بسرعه
وبحكى قصه وبحاول احكيها بحركات وبستخدم اكتر ولاد مشاغبه امثل بيهم انا
مش هما اللى يمثلوا
واحيانا بعمل حاجه تانيه علشان الاولاد تفضل مركزه وماتحولشى تفصل بنبهه عليهم
ان فى نهاية الدرس فى امتحان صغير من 5 اسئله من داخل الدرس وفعلا بعمل الامتحان
وتحريرى وبعطى عليه جوايز الاسبوع اللى بعده بس دا بينفع مع الاولاد الكبار

keeroo atef
02-19-2011, 01:27 AM
شكرا ميرووو على تشجيعك
و شكرا على أفكارك الجميلة بجد حاجات جميلة خالص
الرب يبارك حياتك و خدمتك

Bent elBaBa Shenoda
02-23-2011, 08:46 PM
bgd elmawdo3 7elw aweeeeeeeeeeeeeeeeeeee
god bless u

keeroo atef
02-24-2011, 12:29 AM
ميرسى كتيييييييييييير بنت البابا ...
و يسعدنى وجودك فى المنتدى معانا ...
ربنا يبارك حياتك :)

basem
02-10-2012, 10:50 PM
موضوع جميل جدا ربنا يبارككك يا كيرو

مرييم
03-04-2012, 03:41 PM
افكار جميله اوي اوي
وكمان حلوه فكره هديه الطالب المثالي

مع مراعاه حاجه مهمه اننا لما نوزع المسؤليات يعني اللي بيرتبوا ويوزعوا انهم مايبقوش ثابتين يتغيروا كل اسبوع
ونشترط ان اللي بيتوزع عليهم المسؤليات هما الملتزمين
وده يحفز الأولاد انهم يلتزموا عشان نختارهم المره اللي جايه يبقوا مسؤلين

وممكن نعمل نظام ان بعد شرح الدرس في اتنين هيشرحوه في الأخر

والأفضل اننا نختار اشقي اتنين في الفصل عشان يسكتوا ويسمعوا عشان يشرحوا

ولما يشرحوا والكل يسقفلهم هيفرحوا اوي اوي ويسكتوا كل مره

keeroo atef
04-19-2012, 02:01 PM
شكرا باسم لمرورك الرقيق

keeroo atef
04-19-2012, 02:03 PM
شكرا مريم لمرورك الرقيق
و افكرك الجميلة جدا

youssif fathy
12-27-2014, 11:48 AM
حلوه قوى وعايز اشرك بيها على الفيس ازاى